Implementasyon ng Kautusang Tagapagpaganap Blg. 335 ng Komisyon sa Wikang Filipino

Pebrero 2, 2017

DILG MEMORANDUM SIRKULAR BLG. 019-17

IMPLEMENTASYON NG KAUTUSANG TAGAPAGPAGANAP BLG. 335 NG KOMISYON SA WIKANG FILIPINO

1.0 Sanligan

Itinakda ng Batas Republika Bilang 7104 na ang Komisyon sa Wikang Filipino (KWF) ay magsagawa, mag-ugnay at magtaguyod ng mga pananaliksik at pag-aaral para sa pagpapaunlad, pagpapalaganap, at preserbasyon ng Filipino at ng iba pang mga wika ng kapuluan.

2.0 Layunin

Kaugnay nito, ang Komisyon sa Wikang Filipino ay maglulunsad ng malawakang IMPLEMENTASYON NG EXECUTIVE ORDER (EO) 335 tungo sa mahusay at dekalidad na paggamit ng wikang Filipino sa lahat ng mga kagawaran, kawanihan, opisina, ahensiya, at instrumentality ng pamahalaan.

3.0 Nasasakupan

Sa mga Punong Lalawigan, Punong Lungsod, Punong Bayan, Punong Barangay, Punong Panrelihiyon ng ARMM, Direktor Panrelihiyon ng DILG at iba pang kinauukulan SCaITA

4.0 Patakaran at Alituntunin

4.1 Hinihikayat ng tanggapang ito ang suporta at partisipasyon ng lahat ng Punong Lalawigan, Punong Lungsod, Punong Bayan, at Punong Barangay, kasama ang lahat ng kawani ng pamahalaang local, na lumahok sa mga pagsasanay sa pagsulat ng Korespondensiya Opisyal, Ortograpiyang Pambansa, at Masinop na Pagsulat na itinataguyod ng KWF upang pormal na matiyak ang implementasyon ng EO 335.

4.2 Ang pagdalo ng mga kinatawan, tulad ng 1-2 araw na seminar sa Korespondensiya Opisyal, na sisimulan muna sa National Capital Region sa buwan ng Enero 2017, ay sa opisyal na oras at ang gastos para sa transportasyon, pagkain, at handouts ay manggagaling sa pondo ng pamahalaang local sa pagsubaling ito ay dadaan sa kaukulang pagtutuos at pag-aawdit.

5.0 Sanggunian

5.1 Liham mula kay Virgilio S. Almario, National Artist, Pangulo ng Komisyon sa Wikang Filipino

5.2 Executive Order Blg. 335, petsa Agosto 25, 1988

5.3 Republic Act Blg. 7104, petsa Agosto 14, 1991

6.0 Bisa ng Memorandum Sirkular

Ang Memorandum Sirkular ay kaagad na ipapatupad.

7.0 Pagsang-Ayon ng Awtoridad

(SGD.) ISMAEL D. SUENO

Kalihim

8.0 Komentaryo

Para sa karagdagang detalye at iba pang katanungan kaugnay ng proyektong ito, makipag-ugnayan sa KWF, at hanapin sina Lourdes Z. Hinampas, Pinky Jane Tenmatay, at Miriam P. Cabila sa numero blg. (02) 708-6972 o sa [email protected] at [email protected].